திராவிட முஸ்லிம்

உளுந்தூர்பேட்டை அருகே உள்ள எறையூர் கிராமத்தில் புனித ஜெபமாலை அன்னை ஆலயம் உள்ளது.இங்கு வழிபடுவது தொடர்பாக இரு தரப்பினருக்கும் இடையே கடந்த 9-ந் தேதி மோதல் ஏற்பட்டது. போலீசார் நடத்திய துப்பாக்கி சூட்டில் 2 வன்னிய கிறிஸ்துவர்கள் பலியானார்கள். 4 பேர் படுகாயம் அடைந்தனர். இதில் 2 ஆயிரம் பேர் மீது வழக்குப்பதிவு செய்து 20-க்கும் மேற்பட்டோரை கைது செய்து கடலூர் சிறையில் அடைத்துள்ளனர்.

இந்நிலையில் கடந்த 29-ந் தேதி எறையூர் கிராமத்தில் வன்னிய கிறிஸ்துவர்களின் ஆலோசனை கூட்டம் நடைப்பெற்றது. இதில் தலித் கிறிஸ்துவர்களுக்கு தனி பங்கு கொடுத்து பிரச்னைக்கு உடனடியாக ஏப்ரல்-1 ந் தேதிக்குள் தீர்வு காண வேண்டும். இல்லையேல் எறையூரில் வசிக்கும் சுமார் 20 ஆயிரம் வன்னிய கிறிஸ்துவர்களும் பாதுகாப்பு அளிக்கும் மதத்திற்கு மதம் மாறுவது என்பது உள்பட பல முக்கிய தீர்மானங்கள் நிறைவேற்றப்பட்டது.

இப்பிரச்னைக்குறித்து புதுச்சேரி பாதிரியார்கள் எறையூர் கிறிஸ்துவர்களிடம் பேச்சுவார்த்தை நடத்தினர்.